Aukum áhuga á orku og vísindum
Á sýningunni Hjartastrengir & vatnsæðar kynnast gestir ferðalagi orkunnar. Hvaðan kemur orkan? Hvernig notum við hana?
Á sýningunni getur þú breytt morgunmatnum þínum í ljós, búið til þína eigin jarðhitaofurhetju, hlustað á ferðalag Diddu dropa, Völlu varma, Raffa rafeindar og Kúksa kúks. Tilvalið er að slaka á í Kúkakósý með góða bók eða leika í leikrýminu með skapandi STEAM leikföng.
Sýningin er ætluð börnum á öllum aldri.
Um sýningunaEkki er opið fyrir bókanir eins og er
Auglýst verða laus pláss í skólaheimsóknr Elliðaárstöðvar síðar. Endilega skráið ykkur á póstlista skólavina til að fá upplýsingar um leið og opnað hefur verið fyrir bókanir. Fylgist með á vef- og samfélagsmiðlum okkar, þar auglýsum við helling af skemmtilegum viðburðum og öðru spennandi sem er um að vera á svæðinu.
Framhaldsskólar og Háskólar
Nemendur framhalds- og háskóla eru velkomnir í Elliðaárstöð. Við bjóðum upp á leiðsögn um Elliðaárstöð og fræðum gesti um þær breytingar sem áttu sér stað í kjölfar rafvæðingar Reykjavíkur.
Ekki er opið fyrir bókanir eins og er endilega skráið ykkur á póstlista skólavina og fáið þá tilkynningu þegar opnað er fyrir bókanir.
Elliðaárstöð er leiðandi í STEM og STEAM menntun
Elliðaárstöð er mikilvæg tenging atvinnulífs og menntakerfis.
Við nýtum STEAM og STREAM nálgun í fræðslu og þekkingarmiðlun til barna og ungmenna. STREAM samþættir vísindi (science), tækni (technology), skemmtun (recreation), verkfræði (engineering), listir (arts) og stærðfræði (mathematics).
Með þverfaglegri nálgun á viðfangsefni er unnið með nýsköpunarhæfni, gagnrýna hugsun og lausnaleit.
Aðferðin eykur hæfni nemenda til að mæta helstu úrlausnarefnum samtímans.
Elliðaárstöð er leiðandi í orkulæsi, STEM & STEAM og vísindamiðlun á Íslandi.
Frá árinu 2022 hafa um 8000 nemendur lært um orku og hvernig veitukerfin virka í borginni.
Skólaheimsóknir eru í boði Orkuveitunnar.
Meira um STEAM
Vertu skólavinur
Skólavinir Elliðaárstöðvar fá boð á viðburði og fá forskot á að skrá sig í fræðslu.
Skrá mig