Hljóðleiðsögn um Heimili veitna frumflutt

Leyndardómar veitnanna voru afhjúpaðir í nýrri hljóðleiðslögn um Heimili veitna sem frumflutt var á Safnanótt. Sýningin ber heitið Ósýnilegt verður sýnilegt og er upplifunarsýning um heim vísindanna og veitukerfin sem leynast undir borginni. Frjálst flæði var um húsið þar sem hægt var að þræða ólík herbergi en hvert og eitt er tileinkað ákveðinni veitu.

Til að mynda er svefnherbergið tileinkað rafveitunni og eldhúsið vatnsveitunni.

Hljóðleiðsögnin gerir gestum kleift að flæða milli rýma á eigin forsendum með það að leiðarljósi að upplifa og fræðast á skemmtilegan hátt. Ásamt því að leysa ýmsar þrautir og leiki.

Sýningin mun vera opnuð almenningi von bráðar en það verður auglýst vel á miðlum Elliðaárstöðvar.