Bangsímon og félagar á Lottutúni
![](https://ellidaarstod.is/wp-content/uploads/2024/07/DSC08369-1800x1200.jpg)
Leikhópurinn Lotta hefur verið með sýningar á söngleiknum Bangsímon á Lottutúni við Elliðaárstöð á miðvikudögum í sumar. Áður en heimsfaraldurinn skall á setti Lotta upp nýjan söngleik á hverju ári en síðastliðin ár hafa þau verið að endurvinna efni. Leikhópurinn kemur því með ferskan andblæ inn í sumarið með þessum nýja söngleik um vinalega bangsann. Andrea Ösp Karlsdóttir sem leikur Eyrnaslapa og Sigsteinn Sigurbergson sammæltust um að það hafi verið góð tilfinning að setja upp glænýjan söngleik á ný.
„Það er svo góð tilfinning að standa á sviðinu með glænýtt efni og aðdáendurnar okkar,“ sagði Andrea
Sigsteinn sem leikur sjálfan Bangsímon viðurkenndi að hafa ekki vitað hver Bangsímon væri áður en þau hófust handa við að undirbúa sýninguna „ég hélt að Bangsímon væri bara íslenska þýðingin á Paddington.“
Það eru ekki einungis brandararnir sem slá í gegn heldur getur verið mikið skemmtanagildi í því þegar eitthvað fer úrskeiðis. Sigsteinn nefndi til dæmis þegar tæknin bilaði og hann þurfti að hanga fastur í holu í fimm mínútur: „að vera svona lengi, það tekur á.“
Ungir áhorfendur áttu öll sína uppáhalds persónu og voru sammála því að hægt væri að mæla með sýningunni. Hægt er að kaupa miða hér.
Viðtalið má sjá í heild sinni hér að neðan.
Viðtal við leikara og viðbrögð áhorfenda.