Ævintýrin lifna við – Fjölskyldugleði í Elliðaárstöð

Fögnum saman sumardeginum fyrsta í ævintýralegu umhverfi Elliðaárstöðvar.

Þann 23. apríl, á sumardaginn fyrsta, bjóðum við upp á sannkallaða fjölskyldugleði við Elliðaárstöð þar sem krakkar og fullorðnir á öllum aldri eru hvött til að leika sér og hafa gaman.

Vatni verður hleypt á hinn geysivinsæla Vatnsleikjagarð, kaffihúsið Elliði og Gestastofa Elliðaárstöðvar opna dyr sínar fyrir gestum dalsins, skemmtilegir DJ-tónar munu óma um svæðið, Hugmyndasmiðir bjóða upp á fjölskyldusmiðju í Gestastofunni frá 13-15 og hægt verður að taka þátt í hjóladagskrá Reiðhjólabænda.