MEGAWHAT? á Barnamenningarhátíð

MEGAWHAT? er flæðandi sirkussýning sem fer fram á útisvæði og í ólíkum rýmum Elliðaárstöðvar í Elliðaárdal. Sirkuslistafólk Hringleiks og Æskusirkusins ásamt Stjörnu Sævari munu leiða börn og fjölskyldur þeirra um ævintýraheim stöðvarinnar og fjalla um orku og vísindi í gegnum sirkuslistir. Í lok sýningar fá gestir að kynnast vísindum í gegnum lifandi leik.

 Sýningin hefst við rafstöðina í Elliðaárdal kl: 17:00 þar sem Stjörnu Sævar og starfsfólk Elliðaárstöðvar taka á móti börnum og forráðafólki. Dagskrá lýkur um 19:00.

 Gestir eru beðnir um að vera klæddir eftir veðri.