Automatic translation by Google Translate. We can not guarantee that it is accurate.

#

Rafleiðsla og orkuhleðsla á Safnanótt í Elliðaárstöð

Elliðaárstöð tekur þátt í Safnanótt í annað sinn með rafmagnaðri dagskrá 7. febrúar frá 18-21 í samstarfi við Orku náttúrunnar.

Dagskrá:

⚡️ RAFLEIÐSLA ⚡️

Rafleiðsla er einstakur viðburður sem verður haldinn að öðru sinni í vélarsal gömlu rafstöðvarinnar í Elliðaárstöð, en viðburðurinn sló eftirminnilega í gegn á Safnanótt í fyrra.

Rafleiðsla er hljóðbað sem gengur út á samtal í gegnum djúpa hlustun (e. deep listening) og stillta hugleiðslu (e. tuning meditation). Verkið er einskonar dans á milli fyrirfram samdra tónsmíða og spuna sem mun flæða samfleytt í 3 tíma um vélarsalinn. Gestum er velkomið að fara inn og út úr rýminu eftir hentisemi.

Tónlistarfólkið sem kemur fram er Osmē (Benedikt Reynisson, Helgi Örn Pétursson og Þórður Bjarki Arnarson), R • O • R (Gyða Valtýsdóttir og Úlfur Hansson), Sóley (Sóley Stefánsdóttir) og Svartþoka (Día Andrésdóttir, Ólöf Rún Benediktsdóttir og Unnur Björk Jóhannsdóttir) ásamt nýmiðlalistamanninum Leó Stefánssyni.

Rafleiðsla er hluti af Vetrarhátíð og er aðgangur ókeypis fyrir alla.
Bakhjarlar Rafleiðslu eru Tónlistarborgin Reykjavík og Orka náttúrunnar.

Meira um Rafleiðslu hér: https://www.facebook.com/events/3989051174664142

⭐️ UPPLJÓMUN ⭐️
Útilistaverkið Uppljómun eftir þau Litten Nystrøm og Harald Karlsson mun prýða hinn fagra skrúðgarð Elliðaárstöðvar fram yfir Vetrarhátíðina. Verkið var fyrst sýnt á Vetrarhátíð 2022 sem svar við ósk borgarbúa um aukna birtu í skammdeginu. Verkið er upplýst með sérstökum gróðurhúsaljósum sem auka vellíðan okkar líkt og sólarljós.

Verkið er í eigu Veitna sem er aðalbakhjarl Vetrarhátíðar í Reykjavík 2025.

💧 HEIMILI VEITNA 💧
Hvernig virkar lagnakerfi borgarinnar? Leynist vísindamaður innra með þér?
Fyrrum stöðvastjórahús Elliðaárstöðvar, sem nú heitir Heimili veitna, verður opið almenningi frá 18-21. Hægt verður að þræða ólík herbergi heimilisins, fræðast um heim vísindanna og leyndardóma veitnanna.

Aðgangur ókeypis!

Aðrir viðburðir