Run in the Dark – Reykjavík

Megið markmið hlaupsins er að safna fyrir rannsóknum á lækningu á mænuskaða og fer hlaupið fram samtímis, víðsvegar um heiminn. Við munum hlaupa saman í Elliðarárdalnum, á sama tíma og hlaupið verður á fjölmörgum stöðum um heim allan.

Þátttökugjald er 4150 kr. og fer skráning fram á heimasíðu Run In The Dark – SKRÁNING

Tvær vegalengdir eru í boði 5 km og 10 km og hér má sjá leiðirnar:

5 km og 10 km Google Maps  Linkur
5 Km MapMyRun  Linkur
10 km MapMyRun  Linkur

Hlaupaleiðin er aðgengileg flestum, hvort sem er hlaupið hægt eða hratt. Allir hlauparar byrja og enda hlaupið á sama stað. Fyrstu 2,5 km leiðarinnar eru þeir sömu fyrir alla hlaupara, síðan snúa 5 km-farar við og hlaupa til baka á endalínu. 10 km-farar snúa við á 5 kílómetra og hlaupa til baka yfir sama endamark.

Stofnandi Run in the Dark samtakana er írski útivistar- og ævintýramaðurinn Mark Pollock. Saga hans er einstök, 22 ára gamall missti hann sjónina en þrátt fyrir það byggði hann upp íþrótta- og ævintýraferil þar sem hann hljóp Gobi-eyðimerkurmaraþonið og var fyrsti blindi maðurinn til að ganga yfir Suðurpólinn. Lífið ætlaði honum þó enn fleiri áskoranir því árið 2010 lenti hann í slysi sem hafði þær afleiðingar að hann hlaut alvarlegan mænuskaða og lamaðist. Leiðangur Marks miðar núna að því að finna leiðir til að safna fyrir rannsóknum og lækningu á mænuskaða.

Þau sem vilja kynnast Mark Pollok og lífsförunauti hans Simone George geta horft á áhrifaríkan fyrirlestur þeirra sem nefnist Ástarbréf til raunsæis á sorgartímum. Í honum fjalla þau um togstreitu bjartsýni, raunsæi og vonar, auk þess sem þau segja frá byltingarkenndu starfi sínu sem miðar að því að lækna mænuskaða – Fyrirlesturinn má finna hér

Skipuleggjendur hlaupsins í ár eru Global Shapers Reykjavík Hub