Fyrsti viðburðurinn í nýuppgerðu viðburðarrými gestastofu Elliðaárstöðvar fór fram 9. apríl síðastliðinn. Viðburðurinn hét Prosecco og pitch og var hluti af lokasprettinum í Hringiðu+ sem er viðskiptahraðall fyrir grænar lausnir.
Gestastofan er staðsett í gömlu straumskiptistöðinni sem tók við rafmagni frá virkjunum við sogið.
Þátttakendur á Prosecco og pitch kynntu spennandi lausnir sem byggðu á hugmyndum hringrásarhagkerfisins á 90 sekúndum. Snert var á sviðum eins og úrgangsnýtingu, sjálfbærri orku, matvælatækni og byggingariðnaði.
Gríðarleg stemming ríkti þar sem fólk gæddi sér á dýrindis réttum frá Elliða og DJ Dóra Júlía hélt uppi stuðinu. Við erum gríðarlega spennt fyrir því að geta opnað dyr gestastofunnar og haldið fleiri viðburði í rýminu.
