Allt tengist saman
Rétt eins og líffærakerfin í líkamanum tengjast þá styðjast veitukerfi borgarinnar við hvort annað. Vatnsveitan og hitaveitan þarf rafmagn til að dæla vatni upp úr borholum til heimila okkar og fráveitan þarf rafmagn fyrir dælustöðvar og hreinsistöðvar.
Stundum þarf að endurnýja lagnir eða laga eitthvað sem bilar er vatnið tekið af húsunum. Ef það gerist einhvern tímann heima hjá þér, skaltu muna að kannski er verið að gera mikilvæga aðgerð á veitukerfinu. Kannski kransæðaaðgerð?
Veitukerfin gegna mikilvægu hlutverki í borgum, líkt og kerfin í líkama okkar. Vatnsveitan, hitaveitan, rafveitan og fráveitan eru samtengd og nauðsynleg fyrir líf okkar og heilsu.
Verkefnakista Elliðaárstöðvar
Um Ósýnilegt verður sýnilegt
Fræðsluefnið Ósýnilegt verður sýnilegt sýnir hvernig borgin okkar virkar á bak við tjöldin.
Verkefnið var styrkt af Þróunarsjóði námsgagna
Höfundur er Margrét Hugadóttir, leiðtogi vísindamiðlunar hjá Orkuveitunni. Að verkefninu standa auk hennar fjölbreyttur hópur fólks hjá Orkuveitunni og dótturfyrirtækjum.
Ráðgjöf veitti Elísabet Jónsdóttir, Edda Björnsdóttir, Birna Bragadóttir.
Faglegur yfirlestur og staðreyndakönnun var í höndum sérfræðinga hjá Orkuveitunni og dótturfyrirtækjum. Eru þeim færðar kærar þakkir:
Ásdís Benediktsdóttir, jarðeðlisfræðingur og auðlindaleiðtogi Orku náttúrunnar, Bryndís Björnsdóttir, sérfræðingur í umhverfis- og skipulagsmálum hjá Veitum, Guðmundur Garðar Gíslason, aðgerðastjóri stjórnstöð rafveitu hjá Orkuveitunni, Hlöðver Stefán Þorgeirsson, straumvatnsverkfræðingur og sérfræðingur í nýsköpun og fráveitu, Hrefna Hallgrímsdóttir, vélaverkfræðingur og forstöðumaður vatnsmiðla hjá Veitum, Jakob Sigurður Friðriksson, Viðskiptaþróun hjá Orkuveitunni, Jón Trausti Kárason, vélaverkfræðingur, forstöðumaður rafveitu hjá Veitum, Olgeir Örlygsson, sérfræðingur vatnsveitu í rekstri og öryggi hjá Veitum, Sigrún Tómasdóttir, jarðfræðingur og auðlindaleiðtogi vatns og fráveitu hjá Orkuveitunni, Silja Y Eyþórsdóttir, kynningar- og markaðsstjóri Carbfix, Vilmundur Tryggvason, umsjónaraðili reksturs lagnakerfis fráveitu hjá Veitum.
Nemendum sem aðstoðuðu eru færðar kærar þakkir.