Fjölskyldusmiðja Hugmyndasmiða í Elliðaárstöð
3.000 kr.
Í fjölskyldusmiðju Hugmyndasmiða í Elliðaárstöð verður hægt að spreyta sig á hönnunaráskorunum, leika, fikta og skapa!
Ninna hugmyndasmiður tekur á móti skapandi krökkum á aldrinum 7-12 ára og foreldrum þeirra og leggur fyrir mismunandi hönnunaráskoranir á Verkstæði Hugmyndasmiða í Elliðaárstöð.
Þátttakendur fá tækifæri til að virkja sköpunarkraftinn og efla samvinnu fjölskyldunnar. Unnið verður með endurnýttan efnivið sem við björgum til að skapa eitthvað alveg nýtt og spennandi í gegnum smíðar, leiki, föndur, tilraunir og prófanir.
Verkstæðið er staðsett í einstöku rými gömlu rafstöðvarinnar.
Hér eru nokkur atriði sem er gott að hafa í huga á verkstæðinu:
– Mætið í viðeigandi fatnaði á verkstæðið
– Við munum vinna með verkfæri og mikilvægt að allir fari varlega
– Börnin eru á ábyrgð fullorðinna fylgifiska
– Gott er að taka með sér vatnsbrúsa
Börn sem taka þátt greiða 3000kr en frítt er fyrir fullorðna fylgifiska.
Barnmörg fjölskylda? Notaðu afsláttarkóðann “Fjolskylduafslattur” þegar þú greiðir og fáðu 15% afslátt!