Bæst hefur í safnkost Elliðaárstöðvar þar sem útskurðarverk eftir Ásmund Guðmundsson barst að gjöf. Ásmundur Guðmundsson fæddist árið 1929 og starfaði sem skipstjóri allt til ársins 1975. Hann fékk þá alvarlegt heilablóðfall aðeins 46 ára að aldri. Við áfallið missti Ásmundur talmálið sem og máttinn í hægri hluta líkamans. Hann náði með miklum viljastyrk að þjálfa upp vinstri höndina, sem hann notaði til vinnu og athafna, m.a. til þess að skera út og mála. Hann heillaðist af útskurðarlistinni og skar út fjölda verka á ferlinum.
Verk Ásmundar bera vott um mikla lagni og tilfinningu fyrir lögun og formi. Myndefnið sótti hann í íslenska náttúru og hefðbundin störf íslenskrar alþýðu fyrri tíma. Veitum var gefin þessi verk og þótti viðeigandi að þau fengju stað í Elliðaárstöð þar sem fyrsta vatnstökusvæði borgarinnar var einmitt í Elliðaánum.
Ásmundur lést árið 2011 en skildi eftir sig falleg verk og sögu dugmikils manns. Nafni hans Ásmundur Bjarnason og Einar Eysteinn afhentu Elliðaárstöð þessi fallegu útskurðarverk.
sagði Ásmundur nafni Ásmundar listamannsVatnsberinn – hin mannlega vatnsveita fyrr á árum.
Þessi verk lýsa vel lífsbaráttunni og frumstæðum aðferðum vatnsbera sem undirstrika hina gríðarlegu byltingu með tilkomu Vatnsveitu Reykjavíkur nú Veitur.
Haldnar voru nokkrar sýningar þar sem verk Ásmundar voru sýnd, m.a. í Vestmannaeyjum og í Víkinni (Sjóminjasafnið í Reykjavík) árið 2011. Hlekkur á sýningarskrá er hér sem inniheldur sýnishorn af ýmsum verkum Ásmundar og rekur sögu hans sem listamanns.