Aukum áhuga á orku og vísindum

Á sýningunni Hjartastrengir & vatnsæðar kynnast gestir ferðalagi orkunnar. Hvaðan kemur orkan? Hvernig notum við hana?

Á sýningunni getur þú breytt morgunmatnum þínum í ljós, búið til þína eigin jarðhitaofurhetju, hlustað á ferðalag Diddu dropa, Völlu varma, Raffa rafeindar og Kúksa kúks. Tilvalið er að slaka á í Kúkakósý með góða bók eða leika í leikrýminu með skapandi STEAM leikföng.

Sýningin er ætluð börnum á öllum aldri.

Um sýninguna

Skólaheimsóknir

Vorið 2026 taka vísindamiðlarar okkar á móti nemendum á öllum skólastigum í á sýninguna Hjartastrengir & vatnsæðar í Gestastofu Elliðaárstöðvar.

Hvað felst í heimsókninni?
Hópurinn fræðist um orku og vísindi í gegnum skapandi fræðslu og leiki.

Heimsóknin varir í 60 mínútur og skiptist í:

stutt spjall við vísindamiðlara
leiðsögn og frjáls tími á sýningu
skemmtilegir leikir, tilraunir eða hönnunaráskoranir

Í heimsókninni viljum við kveikja neista, vekja áhuga og gera ósýnilegar lífæðar samfélagsins sýnilegar.

Við bókun velur þú viðfangsefni fræðslunnar. Efni og nálgun eru aðlöguð aldri og skólastigi nemenda.

Hámarksfjöldi í heimsókn leikskóla og grunnskóla: 30 nemendur

Tveir starfsmenn þurfa að fylgja hverjum hópi í leik- og grunnskóla.

Hópar sem vilja borða nesti geta fengið aðstöðu í Gestastofunni í upphafi heimsóknar.

Heimsóknin fer að hluta fram utandyra.
Nemendur og starfsfólk þurfa því að vera klædd eftir veðri.

Gestir eru hvattir til að gefa sér tíma í leik á útisvæðinu.
Vatn verður opnað í vatnsleikjagarðinum um miðjan apríl.

Tekið er á móti skólahópum í leik- og grunnskóla:
þriðjudaga og miðvikudaga

Framhaldsskólar og háskólar:
eftir hádegi, eftir samkomulagi. Hafa samband hér. 

Fullbókað í skólaheimsóknir vorið 2026

Öll laus pláss í skólaheimsóknir hafa verið bókuð fyrir vorið 2026. Endilega skráið ykkur á póstlista skólavina til að fylgjast með þegar næst verða auglýstir lausir tímar í skólaheimsóknir. Fylgist með á vef- og samfélagsmiðlum okkar, þar auglýsum við helling af skemmtilegum viðburðum og öðru spennandi sem er um að vera á svæðinu.

Hlökkum til að taka á móti öllum þeim frábæru hópum sem koma á næstu mánuðum.

Framhaldsskólar og Háskólar

Nemendur framhalds- og háskóla eru velkomnir í Elliðaárstöð. Við bjóðum upp á leiðsögn um Elliðaárstöð og fræðum gesti um þær breytingar sem áttu sér stað í kjölfar rafvæðingar Reykjavíkur.

Leiðsagnir fara fram eftir hádegi og taka um klukkustund.

Sendið fyrirspurn um bókun hér. 

Elliðaárstöð er leiðandi í STEM og STEAM menntun

Elliðaárstöð er mikilvæg tenging atvinnulífs og menntakerfis.

Við nýtum STEAM og STREAM nálgun í fræðslu og þekkingarmiðlun til barna og ungmenna. STREAM samþættir vísindi (science), tækni (technology), skemmtun (recreation), verkfræði (engineering), listir (arts) og stærðfræði (mathematics).

Með þverfaglegri nálgun á viðfangsefni er unnið með nýsköpunarhæfni, gagnrýna hugsun og lausnaleit.

Aðferðin eykur hæfni nemenda til að mæta helstu úrlausnarefnum samtímans.

Elliðaárstöð er leiðandi í orkulæsi, STEM & STEAM og vísindamiðlun á Íslandi.

Frá árinu 2022 hafa um 8000 nemendur lært um orku og hvernig veitukerfin virka í borginni.

Skólaheimsóknir eru í boði Orkuveitunnar.

Meira um STEAM

Vertu skólavinur

Skólavinir Elliðaárstöðvar fá boð á viðburði og fá forskot á að skrá sig í fræðslu.

Skrá mig
Til baka á forsíðu