Hjólagleði Reiðhjólabænda og Elliðaárstöðvar
-
![Coins]()
Aðgangur ókeypis
-
![Calendar]()
17. ágúst 2024
-
![Clock]()
13:00
-
![Location Pin]()
Sjá á korti
Laugardaginn 17. ágúst ætlar Elliðaárstöð í samstarfi við Reiðhjólabændur að efna til hjólagleði fyrir fjölskyldur.
Formleg dagskrá hefst kl. 13:00 og stendur til kl. 15:00. Í boði verður hjólaþrautabraut á Veitutorgi og á malarvegi við Elliðaárstöð, pop-up hjólaverkstæði, hjólabingó og margt fleira. Samtímis verður Rafstöðin opin gestum og gangandi, hengirúm í skrúðgarðinum, Vatnsleikjagarðurinn verður einnig opinn þar sem börn jafnt sem fullorðnir geta buslað saman.
Við viljum hvetja gesti dalsins að huga að umhverfinu þennan dag jafnt sem aðra daga og nýta sér almenningssamgöngur eða koma hjólandi eða gangandi, en fjölmargir göngu- og hjólastígar tengja Elliðaárstöð við nærliggjandi íbúðarhverfi.
Þátttaka er ókeypis en fólk er vinsamlegast beðið um að hjóla ekki á grænum svæðum Elliðaárstöðvar og geyma hjólin sín á merktum svæðum við Elliðaárstöð. Athugið að gestir Elliðaárstöðvar bera ábyrgð á eigin hjólum.
