Til baka
Nýtt íslandsmet í hrygningu!
Haustið 2021 hrygndi 75 sentimetra löng laxahrygna í Elliðaánum sem sló öllum íslenskum löxum við í hrygningu, því hún var að hrygna fimmta árið í röð. Hrygnan er því Íslandsmeistari í hrygningu laxa hérlendis. Rannsóknir sýna að varanleg tæming Árbæjarlóns vorið 2020 hefur fjölgað hrygningarstöðvum í Elliðaánum því í farvegi Árbæjarkvíslar á fyrrum áhrifasvæði lónsins er laxinn byrjaður að hrygna, þ.m.t. umræddur Íslandsmethafi í hrygningu laxa.