Hvaða sögur getur vatnsnotkun sagt okkur um fólk
Hvað getur notkun á köldu vatni sagt okkur um atferli manna?
Árið 2020 var gerð rannsókn þar sem rennsli vatns var skoðað yfir daginn. Í ljós kom að við notum sem nemur 140 lítrum af vatni á hvern íbúa. Til samanburðar benda heimildir til að neysluvatnsnotkun í löndum Evrópu liggi á bilinu frá um 110 til 260 L/íbúa/sólarhring. Það má segja að þessi rannsókn segi hálfgerðar gagnasögur, því út frá gögnunum má álykta hvað er í gangi hverju sinni hjá borgarbúum. Skoða rannsókn.
Niðurstöður rannsóknarinnar sýndu að notkun á vatni er mjög lítið á nóttinni en eykst milli kl. 6 og 8 á morgnanna. Þá er líklegt að fólk sé að fara á klósettið og í sturtu.
Vatnsnotkunin helst stöðug yfir daginn þar til kemur að kvöldmatartíma en þá eykst notkunin mikið og helst þannig eftir kvöldi.
Ferð þú seint á fætur um helgar?
Um helgast virðist fólk fara seinna á fætur um helgar og aðeins seinna að sofa. Það er hægt að sjá á gögnum um vatnsnotkun.
Hvenær ferð þú í jólabaðið?
Vatnsnotkun á aðfangadag segir ákveðna sögu um hvað fólkið í landinu er að gera á hverjum tíma. Það er líklega að skella sér í sturtu og elda mat á milli 16 og 18 og svo er fólk farið að borða og stússast með pakkana eftir það.
Heldur þú í þér á meðan áramótaskaupið er í sjónvarpinu?
Gögn um vatnsnotkun á gamlárskvöld sýna að landsmenn sitja spenntir yfir sjónvarpinu á milli klukkan tíu og ellefu að kvöldi gamlársdags. Ætli það sé ekki merki um að öll séu að horfa á áramótaskaupið?
Heilabrot: Hvað gæti kaldavatnsnotkun sagt okkur meira um mannfólkið?
Ósýnilegt verður sýnilegt
Greinin er hluti af fræðsluefninu Ósýnilegt verður sýnilegt sem veitir okkur innsýn í hvernig veitukerfin í borginni virkar á bak við tjöldin.
Skoða