Hvert örstutt vatnsspor

Hreint vatn er mikilvægt öllum jarðarbúum

Enn hefur einn af hverjum fjórum í heiminum ekki aðgang að hreinu vatni og hreinlætisaðstöðu. Mikilvægt er að tryggja aðgengi allra að hreinu vatni um komandi tíð.

Aðgengi að hreinu vatni er forsenda þess að lifa heilbrigðu lífi og eru það réttindi hvers og eins að hafa aðgang að vatni. Eitt af heimsmarkmiðum Sameinuðu þjóðanna er að fyrir árið 2030 eigi þjóðir heimsins að vinna saman að því að tryggja aðgengi allra að hreinu vatni og salernisaðstöðu.

Hvert örstutt vatnsspor

Mikið vatn er notað í framleiðslu allra hluta sem við notum. Misjafnt er hversu mikið vatn er notað við gerð ákveðinna hluta, en það minnir okkur á að þó að við á Íslandi höfum góðan aðgang að vatni, þá eru flestir hlutir sem við notum, fluttir inn frá öðrum löndum. Jafnvel löndum sem eru ekki jafn rík af vatni og við. Það minnir okkur á að gæta þess að kaupa ekki óþarfa og hluti bara til þess að henda þeim. Því það er sóun, og jafnvel vatnssóun á svæði þar sem fólk þarfnast vatns.

Við þurfum að vinna saman að því að bæta aðgengi fólks að hreinu vatni, þar sem það er bæði mannréttindi og lífsnauðsynlegt að fá hreint og öruggt vatn.

Vatnið á bak við hlutina

1 örk af A4 blaði = 5,1 lítrar af vatni 1 glas af eplasafa = 269 lítrar af vatni 1 gallabuxur= 10850 lítrar af vatni

Snjallsími = 12760 lítrar af vatni

Ein stutt spurning til gervigreindarinnar = 15 ml – eða ein matskeið af vatni. Þetta virðist lítið, en þegar milljónir manna spjalla daglega getur samanlögð vatnsnotkun orðið veruleg.

Skoðaðu vatnið á bak við hlutina í þessum vatnsreikni.